امام رضا علیہ السلام

 کے منتخب اقوال

آنحضرت کا کالم ایمان کے ارکان کے متعلق

ایمان کے چار ارکان ہیں خداپر توکل، قضائے الٰہی کے ساتھ راضی ہونا،

 خدا کے احکام کے سامنے سرتسلیم خم کرنا، تمام امور اُس کے سپرد کردینا

 (تحف العقول:۴۴۵، بحارالانوار:ج۷۸،ص۳۳۸)

آنحضرت کا فرمان موٴمن افراد کی صفات میں

کسی موٴمن میں ایمان کی حقیقت پیدا نہیں ہوسکتی جب تک اُس میں تین

اوصاف نہ ہوں: خدا کی سنت، رسول کی سنت اور اُس کے امام کی سنت

خدا کی جو سنت اُس میں ہونی چاہئے، وہ رازداری ہے اُس کے رسول کی

سنت لوگوں کے  ساتھ حسن سلوک کے ساتھ پیش آنا اور اُس کے امام کی

سنت یہ ہے کہ مصائب اور تکالیف میں صبر رکھتا ہو

(تحف العقول:۴۴۲، بحارالانوار:ج۷۸،ص۳۳۴)

آنحضرت کا فرمان موٴمن افراد کی صفات میں

موٴمن جب غصے میں آتا ہے، غصہ اُس کو راہِ حق سے خارج نہیں کرتا جب وہ

خوش ہوتا ہے تو خوشی اُس کو باطل میں داخل نہیں کرتی اور جب طاقت و

 قدرت ہوتی ہے  تو اپنے حق سے زیادہ طلب نہیں کرتا

(عددالقویة:۳۰۰،بحارالانوار:ج۷۸،ص۳۵۲)

  E-mail:Info@S-A-Khatami.com             Copyright © 2007 ALMAREFAT.IR. All rights reserved.